Komunikazioa eta lankidetza instituzionala
I_25 Portu Agintaritzak identifikatutako interes-taldeen zerrenda (stakeholders) erantsitako koadroan ematen da. (G4-15) (G4-16) (G4-24)(G4-25)
| Interes-taldeen zerrenda (stakeholders) | |
|---|---|
| BPAko langileak | 265 |
| Bisitari-kopurua | 4.167 eskola-ume, 2.543 unibertsitate-ikasle eta 727 heldu; alegia, guztira 7.437 bisitari |
| BPAren hornitzaileak | Obra-kontratistak |
| Kanpo-zerbitzuak | |
| Hornitzaileak | |
| UNIPORT BILBAO | Bilboko Portuko Agintaritza: 130 enpresa eta erakunde bazkide, 116 sektore pribatukoak eta 14 sektore publikokoak |
| Ontzia atala zerbitzatzen duten portu-enpresak | Kontsignatarioak / Itsas agenteak (46) |
| Bunkering (3) | |
| Laguntza-zerbitzuak (16) | |
| Hornidura (30) | |
| Ontzi-gidarien korporazioa (17 ontzi-gidari, 20 langile) | |
| Atoiontziak (1 enpresa, 81 langile) | |
| Amarratzaileak (1 enpresa, 64 langile) | |
| MARPOL hondakinen bilketa (enpresa bat) | |
| Konponketak | |
| Sailkapen-/Ikuskaritza-sozietateak (5) | |
| Stella Maris - Seamen's Club (7.000 tripulatzaileri eman zaie arreta 2018an) | |
| Tripulazioak kudeatzeko sozietateak (3) | |
| Itsasontzi-enpresak (24) | |
| Merkantzia atala zerbitzatzen duten portu-enpresak. | Aduana-agenteak / Komisio-hartzaileak (15) |
| Zamaketari-enpresak (4) | |
| Terminaleko langileak (27) | |
| Gordetegi frankoak / Aduanetakoak (8) | |
| Biltegiratzeko eta Gordetzeko Eremua (15) | |
| Tren-/Errepide-garraioko enpresak (6/102) | |
| Garraio-kudeatzaileak / Operadore logistikoak (111) | |
| Pleitamendua (24) | |
| Matxura-komisarioak (6) | |
| Karga-ikuskatzaileak (7) | |
| Aseguru-etxeak | |
| Portuko Zamaketarien kudeaketa Sozietatea | |
| Emakidadunak (149) | Ontziolak (2) |
| Enpresa industrialak( 16) | |
| Portueta merkataritza-zerbitzuak (6) | |
| Kirol-portuak (3) | |
| Erakunde ofizialak | Aduanetako administrazioa |
| Guardia Zibila | |
| Itsas kapitaintza | |
| SOIVRE | |
| Zerbitzu fitosanitarioak | |
| Polizia Nazionala | |
| Osasungintza | |
| Itsas salbamendua | |
| Itsasoko Gurutze Gorria | |
| Administrazioak eta erakunde publikoak | Espainiako Gobernua: Bizkaiko azpiordezkaritza. |
| - Sustapen Ministerioa | |
| - Ogasun Ministerioa | |
| - Ingurumeneko eta Landa eta Itsas Inguruneko Ministerioa | |
| Estatuko Portuen Erakunde Publikoa | |
| Eusko Jaurlaritza | |
| Bizkaiko Foru Aldundia | |
| Udalak (9): Bilbo, Barakaldo, Sestao, Portugalete, Santurtzi, Zierbena, Erandio, Leioa, Getxo | |
| Merkataritza-ganberak | |
| Bezeroak | Itsasontzi-enpresak (24) |
| Zamaketariak | |
| Bestelakoak | Jarduera logistikoen guneak eta portu lehorrak (11) |
| Beste zenbait portu | |
I_26 (G4-26) (G4-27) Portutik kanpoko interes-taldeekin harremanetan egoteko funtzioa BPAk betetzen du, Eragiketa, Merkataritza eta Logistikako Zuzendaritzak egiten dituen ekintzen bidez.
BPAren eta Portua enpresa osatzen duten interes-taldeen arteko komunikazioa zuzenekoa eta pertsonalizatua da, eta Uniport-en laguntza du: lan-mahaiak osatzen ditu, koordinazio- eta produktibitate-gai jakin batzuk lantzeko. BPAko ordezkariak eta interesdunak daude mahai horretan.
BPAren eta Uniport-en arteko komunikazioa oso ona da. Portuko lehendakaria Zuzendaritza Batzordeko kidea da, eta Uniport sustatzeko eta koordinatzeko jardueretan, BPAko ordezkariek parte hartzen dute.
Portuaren jardueren, lehiarako abantailen eta eragin ekonomiko eta sozialaren berri emateko, Bilboko Portua etengabe harremanetan egoten da komunikabide espezializatuekin eta orokorrekin, eta komunikabideek eskatzen duten informazio espezifikoa ematen du edo haien interesekoa izan daitekeena.
BPAk portuari eta bere zerbitzuei buruzko informazio zabala ematen du www.bilbaoport.eus webgunean, eta eguneratua izaten du.
2018an, ekintza hauek egin ditu Merkataritza Sailak:
- Bilboko portuarentzat lehentasunekoak ziren merkatuetan kontainerren eta zerbitzu konbentzionalen arloan izandako beherakadari aurre egin: Erresuma Batua, Herbehereak, Belgika, Estatu Batuak, Txile, Mexiko eta Errusia.
- Beste herrialde batzuen hazkunderako joera aprobetxatu, Bilbotik eskaintzen diren itsas konexioak bultzatzeko: Maroko, Thailandia, Txina, kontainerretarako, eta Hego Korea, Iran, Ukraina eta Taiwan.
- Ontzi-enpresei lagun egin lehendik dituzten zerbitzuak edo berriak garatzen: Finnlines, MacAndrews, Brittany Ferries, Macs, COSCO, MSC, Condor/Volans, 4. Distantzia laburreko itsas garraioaren lidergoa eta, zehazki, itsas autopistena bultzatu: Irun / Frantziako hegoaldea.
- Trafiko eta merkatu berrien garapena sustatu: reefer kargak, automobilak, ontziratu gabeko produktuak, produktu kimikoak.
- Hinterlandeko presentzia areagotu, toki hauetan ekintzak eginez: Burgos, Valladolid, Madril eta Bartzelona.
- Amerikako kontinentearekiko konexioa hobetu, kontainer-garraiorako.
I_27 (G4-27) Portuko Komunitatea osatzen duten taldeek interesa erakutsi dute BPAk eraginkortasunez bete ditzan azpiegituren eta eremu logistikoen hornitzaile gisa eta portu-jardueraren koordinatzaile gisa dituen funtzioak, bai gizartearen bai Portua enpresako kideen onurarako.
Ontzi-enpresek eta karga-bidaltzaileek, portuaren bezero gisa, beharrak eta itxaropenak asetzeko eskatzen dute; hau da, zerbitzuen kalitatea eskatzen dute.
Portuko Komunitatearen barneko interes-taldeen identifikazioari eta haiekiko konpromisoari ondo erantzuten zaie Bilboko Portuan Uniport-en bidez, lehen esan bezala.
Interes-taldeak hautatzean, lehen ontzi-enpresak eta karga-bidaltzaileak baino ez ziren hartzen kontuan, baina zabaldu egin da, eta garraio-kudeatzaileak eta operadore logistikoak ere hautatzen dira, eta, duela gutxi, errepideko eta trenbideko lur-garraiolariak ere hasi dira hautatzen; izan ere, oinarrizko elementuak dira garraiobide intermodalean eta edukiontzien, kamioien, plataformen eta autoen Short Sea Shipping-en (SSS).
I_28 (G4-27) Portu Jabearen koordinazio espezifikoaren funtzioa bide onetik gauzatzen da oro har, bai alderdi administratibotik begiratuta (e-puertobilbao plataformaren bidez), bai alderdi logistikotik begiratuta.
I_32 atalean, BPAk barne-eraginkortasuna eta koordinazioa handitzeko portu-enpresen esku jartzen dituen zerbitzu informatikoak azaltzen dira.
I_29 (G4-16) Bilboko Portuko Agintaritzak aktiboki parte hartzen du hainbat elkarte tekniko edo enpresarialetan.
Haien artean, hauek nabarmenduko ditugu:
- Jada aipatu dugun Uniport Bilbao elkartea, portuaren sustapenerako. Portuaren adierazpen korporatiboa da, zerbitzu-enpresa integratu gisa.
- Euskadiko Mugikortasun eta Logistika Klusterra, garraioaren eta logistikaren lehiakortasuna hobetzeko tresna.
- European Sea Ports Organisation (ESPO). Europar Batasuneko herrialdeetako eta Norvegiako portuen, elkarteen eta portu-administrazioen ahotsa da Europako Batzordearen aurrean.
- Hiri eta Portuen Nazioarteko Elkartea (AIVP). Hiriak eta portuak garatzeko hiri- eta portu-eragileak biltzen ditu, bai eta haien bazkideak ere, portu-hiriei lehiakortasun handiagoa izateko bidean aurrera eginarazteko, eta aldi berean herritarren bizi-kalitatea hobetzeko.
- Portuen Nazioarteko Elkartea, International Association of Ports and Harbours (IAPH). Elkartearen helburu nagusia da mundu guztiko portuen arteko harreman onak eta lankidetza garatzea eta sustatzea, eta, horretarako, foro bat jartzea portuak kudeatzeko azken joeren eta portu-eragiketen inguruko esperientziak partekatzeko eta iritziak trukatzeko.
- Cruise Europe. Europa Atlantikoko 100 portu baino gehiago biltzen dituen erakundea da, eta haren helburua da Europako iparraldea gurutzaontzi-helmuga gisa sustatzea.
- IPCSA, International Port Community Association
- Costa Verde. Bilbo, Santander, Gijón eta Coruñako portuek eratutako elkartea. Haren xedea da Espainiako iparraldeko portu horiek sustatzea gurutzaontzi-turismoaren sektorean.
Bilboko Portuko Agintaritza “Short Sea Shipping”en Sustapenerako Espainiako Bulegoko bazkidea da. Eta hauen bazkide ere bai:
- Euskal Herriko Itsas Foroa
- Basque Country Logistics
- ATPYC Portuen eta Kostaldeen Elkarte Teknikoa
- SMDG Shipping Messeage Design Group
- UNECE Nazio Batuen Europarako Batzorde Ekonomikoa
- DTLF Digital Transport Logistic Forum
- BBCF Bilbao Bizkaia Cruise Forum
- Transmodal
I_30 Sustapen komertziala
Azken urtean, Bilboko Portuak bere kudeaketa komertziala indartu du, gastua handituz, informazio-sistemak hobetuz eta sustapen-jarduerak Uniportekin eta Eusko Jaurlaritzarekin hobeto koordinatuz.
Bilboko Portuko Plan Komertziala ekintza eta zerbitzu hauen bidez garatu zen 2018an:
| Plan Komertziala | |
|---|---|
| Lehen hiruhilekoa | |
| 1 | PEMAren urteko batzarra |
| 2 | Lehen aldiz kargatzea GNL bidez, itsasontzitik itsasontzira |
| 3 | Fruit Logistic, Berlin |
| 4 | Bilera Tanger MEDeko ordezkaritzarekin |
| 5 | Intergune BEC |
| 6 | Seatrade Cruise Global, Fort Lauderdale |
| 7 | South America azoka intermodala, São Paulo |
| 8 | 1. eskala, Eagle, San Frantzisko |
| 9 | Galesko ordezkaritzaren bisita |
| Bigarren hiruhilekoa | |
| 10 | Kolonbiako ordezkaritzaren bisita |
| 11 | Seafood Expo Global, Brusela |
| 12 | Multimodala, Birmingham |
| 13 | Transport & Logistics, Shanghai |
| 14 | Haizea Wind-en lantegiaren inaugurazioa |
| 15 | MSC Magnificari metopa ematea |
| 16 | Breakbulk Europe, Bremen |
| 17 | SIL, Bartzelona |
| 18 | Hego Amerikarekiko Condor zerbitzurako ontziei metopa ematea |
| Hirugarren hiruhilekoa | |
| 19 | Bisitaldia ARASURera |
| 20 | Bilera Hego Ameriketako eta Afrikako enbaxadekin, Madrilen |
| 21 | Seatrade Med, Lisboa |
| 22 | Transmodala, Gasteiz |
| Laugarren hiruhilekoa | |
| 23 | Marokoko Portu Trebakuntzako Institutuaren bisitaldia |
| 24 | Hego Amerikako fruta-saltzaileen bisita |
| 25 | Fruit Atraction, Madril |
| 26 | Bizkaia Cruise Talks |
| 27 | Enpresa-topaketa, Valladolid |
| 28 | Enpresa-topaketa, Burgos |
I_31 2018an, 1.465 mila € bideratu ziren sustapen komertzialeko gastuetarako, barnean direla jardunaldi osoz jarduera horiek egiten dituzten langileen soldatak.
Mila eurotan |
|
|---|---|
| 1 Sustapen komertzialeko gastuak | 1.465 |
| 2 Ustiapen-gastuak | 64.152 |
| % sustapena / ustiapen ½ | % 2,3 |