Bilboko Portuko Agintaritzak erakundearen barneko jarduera garrantzitsutzat hartzen du Kalitatearen, Prebentzioaren eta Ingurumenaren Kudeaketa, eta honela ulertzen ditu:
- Bezeroen eta erabiltzaileen beharrak eta itxaropenak une oro betetzea.
- Langileek eta parte hartzen duten beste sektore batzuek lan-eremuan osasuna eta segurtasuna babesteko duten eskubidea aitortzea.
- Erakundearen jardueratik eta zerbitzuetatik eratorritako alderdietatik ingurumenean inpaktu negatiboa izan dezaketenak modu egokian kontrolatzea.
BPAk bere jardueren eremuan ingurumena zaintzeko konpromisoa hartzen du, eta lege-eskakizunak, indarrean dauden arauak eta beste baldintza batzuk identifikatzen eta eguneratzen ditu, bere zerbitzu eta jardueretan ingurumen-konpromisoak zehazteko oinarrizko irizpide gisa. (G4-42) (G4-EN27)
BPAk langileentzako urteko trebakuntza-planak egiten ditu; horretarako, ezagutzak eguneratu eta hobetu behar dira, ingurumen-alderdien kontrola bermatzeko, eta dagozkion hobekuntza teknikoak eta sistema-hobekuntzak egin behar dira.
Halaber, BPAk konpromisoa hartzen du bere jarduerek eta zerbitzuek eragiten dituzten eta eragin litzaketen ingurumen-alderdiak identifikatzeko, haiek minimizatzeko eta kontrolatzeko neurri egokiak hartzeko, eta bere Ingurumen Politika langileen, bezeroen, erabiltzaileen eta tartean diren hirugarrenen —administrazioen eta publiko orokorraren— esku jartzeko.
2018an, Portuko Agintaritzak ez du jaso zigorrik ingurumen-araudia ez betetzeagatik. (G4-EN29, G4-EN33, G4-EN34, G4-SO8)