Porturako sarbidea2022an, Bilboko Portuan 4.243 tren sartu edo atera ziren,
eta jada edukiontzien % 27 trenbidez sartzen edo irteten dira.
Bestalde, aurrerapen handiak egin dira portuko trenbidezirkulazioaren kudeaketan. Alde batetik, Portuko Agintaritzak portuko trenbide-zirkulazioaren kudeaketari dagozkion eskumenak erabiltzen ditu, eta maniobren erantzukizuna
bere gain hartzen du, asteko 7 egunetan 24 orduz zerbitzu unibertsala, neutroa eta lehiakorra izateko.
Tren luzeagoak jasotzeko, abenduan esleitu dira Urduñako
geltokian 750 metroko bazterbide berria eraikitzeko lehen
lanak. Bilboko Portuaren eta Mesetaren artean
merkantziak garraiatzen dituzten konboien funtzionamendua
bizkortzea eta hobetzea ahalbidetuko dute lan horiek, eta,
aldi berean, bidaiariak dituzten trenek ere onurak jasoko dituzte.
Esteka interesgarriak:
Servicios Intermodales Bilbaoport (SIBPort) sozietatearen egitekoa da trenbidez garraiatzea Bilboko Portua jatorri edo helmuga duten merkantziak. 2013an, SIBPort sozietateak Noaingo eremu logistikoarekin (Nafarroa) eta PLAZA izenekoarekin (Zaragoza) trenbidekonexioak jarri ditu martxan.
Ekimen horri esker, zamaketariek astean behingo trenbide-zerbitzuak dituzte Bilboko Portutik Gasteiz, Burgos, Madril, Guadalajara, Sevilla, Zaragoza, Nafarroa, Bartzelona, Castelló, Valentzia eta Murtziara.
