Berriak

Europako Batzordeak Marco Polo garraio multimodaletarako laguntzen deialdi berri bat egin du, eta 64,6 milioi euroko aurrekontua du. Eskaerak aurkezteko azken eguna urriaren 19a da.

Apirilaren bukaeratik, MacAndrews konpainiak Castellóko eta Bilboko Portua lotzen dituen asteroko tren-zerbitzu bat jarri du zamaketarientzat. Asteartero, zehazki, Valentziako zeramika-fabriketako azulejuz betetako 35 edukiontzi, batez beste, eramaten dira trenez Castellóko Portutik Bilboko Portura, eta, ondoren, ontziratu egiten dira, helmuga Erresuma Batua izanik.

Bilboko Portuko Mugako Ikuskapen Postuak (MIP) elikagaien 7.400 edukiontzi ikuskatu zituen 2011n: % 55 animalia-jatorriko produktuenak izan ziren, eta % 45, landare-jatorriko produktuenak.

AZ-2 eta AZ-3 kaien —Zierbenako kai-muturrari itsatsiak— zolatze-lanak 5,8 milioi euroan esleitu ditu Bilboko Portuko Agintaritzak.

Sociedad Anónima Trabajos y Obrasi (SATO) esleitu dio Bilboko Portuko Agintaritzak Getxoko gurutzaontzi-terminal berri baten eraikuntza.

Vicinay Cadenas enpresak egindako kateak eta tamaina handiko zortzi xurgatze-aingura, Navacel enpresak eginak, bidali dituzte Bilboko portutik Israelen eraikitzen ari diren itsasoko gas-plataforma batera.

“Itsasoko soinuak. Baleen kantua” izenburupean, Bilboko Itsasadarra Itsas Museoak zetazeoen munduari buruzko erakusketa bat antolatu du.

“Portuko urak, bizitza babesleku” erakusketa egongo da ikusgai Zierbenako turismo-bulegoan, uztailaren 16ra arte. Nakusarbe elkarteak antolatu du erakusketa, Bilboko Portuko Agintaritzaren babesarekin eta Zierbenako Udalaren eta Zierbena Portuaren laguntzarekin.

Ocean Dream gurutzaontzia, Bakearen Itsasontzia izenaz ezagunagoa, Bilboko Portuak Getxon dituen instalazioetan porturatuko da igandean, ekainak 17, 11:00etan, eta astelehenean alde egingo du, hilak 18, 17:00etan.

Ekainaren 25etik uztailaren 1era, hirugarren Getxo Sea Week izango da, Getxoko Udalak Bilboko Portuko Agintaritzaren laguntzarekin antolatua.