Berriak

Asteazken honetan, martxoaren 28an, Bilboko portuak Ventura jasoko du, denboraldi honetako gurutzaontzirik handiena eta aurten Euskadira iritsiko den lehena. 289 metro luze da, eta 3.600 bidaiari eraman ditzake 1.200 laguneko eskifaiaz gainera. Itsasontziaren jabea P&O da, Carnival taldekoa, hau da, munduko gurutzaontzi-talde nagusikoa.

Finnlines-ek —Grimaldi taldean dago— Bilboko Portuaren aldeko apustua indartu du Bilbo Ipar itsasoarekin eta Baltikoarekin lotzen duen asteroko zerbitzuan ro-ro ontzi berri bat jarrita.

Indiara egindako bidaia komertzialean Eusko Jaurlaritzarekin joan den enpresa-ordezkaritza handiaren parte da Bilboko Portuko Agintaritza. Munduko laugarren ekonomia da India, eta biztanle gehien dituen bigarren herrialdea, 1.200 milioi biztanle baititu. Ordezkaritzak, Patxi López lehendakaria buru duela, Mumbai, Pune, New Delhi eta Bangalore bisitatuko ditu martxoaren 19tik 23ra bitartean.

Aintzatespen hori duen Espainiako portu-agintaritza bakarra da, eta Bizkaiko lehenengo enpresetako bat.

Beste behin ere, Bilboko Portuko Agintaritzaren ordezkariek modu aktiboan parte hartuko dute Miamiko Seatrade Cruise Shipping Convention azokan; martxoaren 12tik 15era bitartean egingo da munduko gurutzaontzi-azoka nagusia. Bilboko Portuak bere standa izango du, Booth 659an.

2011n, Bilboko Portuko zirkulazioaren guztizkoa 31,7 milioi tona izan zen; aurreko ekitaldian baino % 5,7 gutxiago, ontziratu gabeko merkantzia likido eta solidoen murrizketen ondorioz.
Ontziratu gabeko merkantzia likidoak gutxitu egin ziren —zehazki, % 10—, gas naturala murriztearen eta Petronor-ek gutxiago produzitzearen eraginez. Merkantzia solidoak ere % 10 jaitsi ziren, ArcelorMittal aldi baterako ixteak beherakada ekarri baitzuen txatar-inportazioan.

Martxoaren 22tik aurrera, BBC Chartering konpainiaren “BBC Euro-Asia Express Line” hileko zerbitzu berriak Asiako hego-ekialdeko, Ekialde Urruneko eta Europako iparraldeko portuekin lotuko du Bilbo. Zerbitzua, nagusiki, proiektu-kargetarako, heavy-lifterako eta karga arruntetarako da.

Astilleros Zamakonak laugarren itsasontzi bat entregatu dio Danimarkako Viking Supply Ships As armadoreari. Brage Viking itsasontziak 85 m-ko luzera eta 22 metroko zabalera du. Oso sofistikatua da, eta artikoko eremuan dauden petrolio-plataformei laguntzeko azken aurrerapen teknologikoak ditu.

Herbeheretako Transfennica ontzi-konpainiak astean hiru aldiz egiten du Bilboko Portuaren eta Zeebruggeren arteko bidea, eta, urtarrilaren 6tik aurrera, linea horren gaitasuna handitu du.