Bilboko Portuko Mugako Ikuskapen Postuak (MIP) elikagaien 7.400 edukiontzi ikuskatu zituen 2011n: % 55 animalia-jatorriko produktuenak izan ziren, eta % 45, landare-jatorriko produktuenak.
Mugako Ikuskaritza Zerbitzua
Ikuskatutako animalia-jatorriko inportazio nagusiak hauek izan ziren: otarrainxkak, atuna oliotan, ganbak, surimia, arrain lehorra, gazia edo gatzunetakoa, izkirak eta antxoak. Bestalde, ikuskatutako landare-jatorriko produktu nagusiak hauek izan ziren: zainzuriak, piperrak, orburuak, barazki prestatuak edo kontserbakoak, eta perretxiko eta zainzuri izoztuak.
Hirugarren herrialdeekiko elikagai-produktuen zirkulazioa indartzeko, Bilboko Portuko Agintaritzak bost bat milioi euroko inbertsioa egin zuen gaur egungo Mugako Ikuskapen Postua (MIP) eraikitzen. 2007an inauguratu zuten. Eraikina 9.700 metro karratuko sail batean dago, 3.800 metro karratukoa da, eta deskargatze-lanetarako 16 kai ditu.
MIP horrek egunean 160 edukiontzi ere jaso ditzake, eta Espainiako garrantzitsuenetako bat bihurtu da, azalerari eta erabilgarri dituen bitartekoei dagokienez.
Porturako sarbidea
