Bilboko Portuko Agintaritzak plataforma elektronikoaren eta aurreabisuen sistemaren abantailak ezagutarazten dizkie garraiolariei

Bilboko Portuko Agintaritzak informazio-hitzaldi bat antolatu du ostiral honetan, martxoaren 13an, garraiolarientzat, e-portua plataforma elektronikoa ezagutzeko eta aurreabisu-sistemaren bidez sarbideak arintzeko tresna horrek eskaintzen dizkien abantailak azaltzeko

Aurreabisuak aukera ematen du fluxuak planifikatzeko, une jakin batzuetan trafikoaren puntako orduak saihesteko eta terminalek eta portuko zerbitzuek aurrea hartzeko duten gaitasuna errazteko. “Doako zerbitzua da, garraiolarien eskura jartzen duguna, eta abantailak baino ez ditu eskaintzen. Iritsieren aurreikuspena hobetu, sarbideen kudeaketa optimizatu eta inplikatutako eragile guztientzako operatiboa arinagoa eta eraginkorragoa lortzen laguntzen du”, azaldu dute BPAtik.

Hitzaldia 9:30etik 10:30era izango da, Portuko Agintaritzaren bulegoetako ekitaldi-aretoan. Ikuspegi praktikoa izango du, edozein zalantza argitzeko eta, bere abantailen berri emateaz gain, aurreabisu hau egiteko bide posibleak ere helaraziko dira: EDI fitxategia, web-inprimakia eta/edo mugikorreko aplikazioa (Android / iOS).

“Funtsezko tresna dugu portu seguruago, eraginkorrago eta koordinatuago baterantz aurrera egiteko, terminalei eta garraiolariei mesede eginez. Azkartasuna ematen digu, itxarote-denborak saihesten ditu eta trafiko-fluxuak hobetzen ditugu. Horrek guztiak kostuak aurrezten dizkie enpresei”, Portuko Agintaritzak adierazi duenez.