Amarratzaileak 2025

AMARRATZEKO ETA AMARRAK ASKATZEKO ZERBITZUARI APLIKATZEKO GEHIENEKO TARIFAK

Gehieneko tarifak eta aplikatu beharreko arauak

1. Portuko Agintaritzak tarifen eta faktura-kontzeptuen gardentasuna kontrolatuko du.
2. Enpresa lizentziadunaren eta itsasontziko kapitain, armadore edo kontsignatarioaren artean desadostasunik sortzen bada gehieneko tarifak aplikatzeko orduan, Portuko Agintaritzak hartuko du bere gain bitartekari-funtzioa zer tarifa aplikatu behar den ebazteko.
3. Gehieneko tarifak aplikatzekotzat jotzen direnean, zerbitzu-emaile bakoitzaren tarifak apartatu honetan ezarritako gehieneko tarifak baino txikiagoak edo berdinak izango dira beti.
4. Tarifak eremuaren eta trafiko-motaren arabera ezartzen dira.
5. Errekarguak aplikatzen ahalko dira, erabiltzaileei egotz dakizkiekeen gorabeherengatik. Kontzeptu hauengatik ezar daitezke errekarguak:
   1. Ontziari egotz dakizkiokeen ezeztapenak, amarratze-zerbitzua eskura jarri aurretik gertatuak. Ontziaren ordezkariak edo kapitainak eskaera-ordua aldatzen badu, eragiketak hasteko finkatutakotik, errekargu hauek sortuko dira:
      1. Eragiketa ezeztatzen bada, eskatutako orduaren aurreko ordubetean, dagokion tarifaren % 25 fakturatuko da.
      2. Ordubete baino gehiago falta dela egindako aldaketa edo ezeztapenek ez dute errekargurik izango.
   2. Amarratze-zerbitzua eskura jarri ondotik gertatuko ezeztapenak, ontziari egotz dakizkiokeenak. Errekargu hauek eragingo dituzte:
      1. 30 minutu igaro baino lehen ezeztatzen bada, tarifaren % 50.
      2. 31 eta 60 minutu bitarte igarota ezeztatzen bada, tarifaren % 75.
      3. 61 minutu baino gehiago igarotakoan ezeztatzen bada, tarifaren % 100.
   3. Atzerapena, ontziak eragina, zerbitzua ematean (ontziko kapitainaren eskura jarri zenetik):
      1. 30 minuturainoko atzerapenak ez du errekargurik
      2. 31 eta 60 minutu bitarteko atzerapenak tarifaren gaineko % 50eko errekargua du
      3. 61 eta 120 minutu bitarteko atzerapenak tarifaren gaineko % 100eko errekargua du
      4. Hurrengo orduetan (ordu bakoitzeko) % 50eko errekargu gehigarria, aplikatzekoa den tarifaren gainean.
6. Murrizketak aplikatzen ahalko dira zerbitzu-emaileei egozten ahal zaizkien gorabeherengatik. Zerbitzu-emailea berandu hasten bada zerbitzua ematen:
   1. Itxaronaldiko lehen ordua: % 10
   2. Itxaronaldiko bigarren ordu edo frakzioa: % 20
   3. Bigarren ordutik aurrera: ordu edo frakzio bakoitzeko % 20, gehienez % 100.
7. Preskripzio honen d) atalean ezarritakoaren arabera aplikatu beharreko kostu-aldaketen ondoriozko eguneratzeak atal honetako tarifa guztiei aplikatuko zaizkie.
8. Aplikatzeko tarifak adjudikaziodunak kasu bakoitzean eskaintzen dituenak izango dira, eta beti PPP honetan ezarritako gehienekoen berdinak edo txikiagoak.
9. Tarifen aplikazioa:
   1. Buia edo ontzioletan amarratzeko eta amarrak askatzeko zerbitzuei “Kanpoko Portua” tarifa aplikatuko zaie
   2. Zehaztu gabe dauden kasuetan, Portuko Agintaritzara jo beharko da, eta hark ebatziko du.
10. Zerbitzu berezietarako gehieneko tarifak:
    1. Dokumentu honen I. eranskineko glosarioan ezarritako definizioaren arabera zerbitzu bereziak direnean aplikatuko dira. Ondorio horietarako, 120 minutu joko da ohiko iraupentzat. Tarifa horien zenbatekoak % 50eko errekargua izango du ordu edo frakzio bakoitzeko, aplikatzekoa den tarifaren gainean.
    2. Portuan atrakatutako ontziei sokak indartzen zaizkien kasuan, ontzi horri aplikatzen zaion tarifaren % 50 kobratuko da ordubetetik beherako maniobretan, eta tarifaren % 100 1 eta 2 ordu bitarteko maniobretan. Bigarren ordutik aurrera, aurreko paragrafoan azaldutako tarifa aplikatuko da.
11. Koefiziente murriztaile hauek aplikatuko zaizkie, ontzien tipologiaren arabera, taula hauetan adierazitako zenbatekoei:
    1. Car Carrier, Ferry eta Gurutzaontzi motakoei oinarrizko tarifaren % 75 fakturatuko zaie.
    2. Karga-oinarria trailerrak dituzten Trailer Carrier ontziei oinarrizko tarifaren % 75 fakturatuko zaie.
12. Gehieneko tarifak:

Amarratzeko eta amarrak askatzeko eta zuzentzeko zerbitzu bakoitzeko gehieneko tarifak:

Zerbitzua ematen duen enpresak, tarifak gehienekoak direla kontuan hartuta, tarifa-akordioak egin ahal izango ditu, ontzi-konpainiarekin edo haren agente kontsignatarioarekin, ontzi-mota, trafiko edo linea erregular jakin batzuetarako.