Porturako sarbideaIgandean, urriak 19, ‘Olatua’ gurutzaontzien terminala adin guztientzako jolas, tailer, erakustaldi eta dibertimenduz beteko da aurten ere, Kai Jai – Portuko Egunaren ospakizunarekin.
Goizeko 10:30etik arratsaldeko 14:30era, egunaz gozatzeko doako jarduerak egingo dira Portuko Agintaritzak Getxon dituen instalazioetan. Kai eta Jai kapitain pirata ausartek ospakizun honetarako prestatutako abenturetan zehar gidatuko dituzte bisitariak.
Eguerdiko 12:00etatik aurrera, Bilboko Portuko uretan nabigatzen duten Ibaizabal Once atoiontzia eta Sar Gavia Salbamenduko ontzia bisitatzeko aukera eskaintzen du Kai Jaik. Horietan ontziratu ahal izateko, esparruaren sarreran doako tiketa eskuratzea beharrezkoa izango da, ekitaldiaren hasieratik edukiera bete arte. Aduanetako patruilari bat, Saltillo, EHUko eskola-ontzia; Amarratzaileen ontzi bat eta Portuko Ontzi-gidarien beste bat ere bertan atrakatuta egongo dira. Ertzaintzaren Itsas Zain ontzia ere inguruan nabigatzen ibiliko da.
Beste jarduera erakargarri batzuk izango dira: Ertzaintzak Abrako uretan egingo duten erreskate-simulazioa, helikoptero eta guzti; zainketarako zakurren unitatearen erakustaldia; eta Clown eta Zientzia ikuskizuna. Azken honetan bi clownek Bilboko Portuko ontzi, garabi eta edukiontziek ezkutatzen duten zientzia azalduko dute, joko eta nahaste-borraste artean.
Antolatutako tailerrek sormena piztuko dute. Egunero portuan ontziratzen eta lehorreratzen diren edukiontziak diseinatzeko, itsasoan bildutako hondakinekin giltzatakoak egiteko, GJHen inguruko galderak dituen erruletan jostatzeko edo benetako itsas korapiloak egiten ikasteko tailerrak egongo dira.
Goiz osoan zehar 0 eta 99 urte bitartekoei zuzendutako jarduerez gozatu ahal izango da: ludoteka, txalupatxoak, puzgarriak, ohe elastikoak, gominga, ur-moto eta bela simulagailuak, aurpegiak pintatzeko glam gela, photocalla, egurrezko jolasak, portuko lanbideetako ginkana, erakusketak, itsasontzien maketak eta askoz gehiago.
Besteak beste, Itsasadarrean ‘traineruz’ egindako ibilbidea: ergometroetan ‘arraunlariek’ egindako kilometroak batuko dira, eta megafonia bidez jakinaraziko da parte-hartzaileek guztira zenbat alditan egin duten Itsasadarrean joan-etorria. ‘Bilbao Port, itsasorako eta mundurako atea’ jokoa ahaztu gabe, Bilbo munduko beste portu batzuekin lotzen duena, haien herrialdeei buruzko galderek osatzen dutena.
Kai Jaira modu eroso eta jasangarrian hurbiltzeko, doako anezka batzuk ordu erdiro lotuko dute gurutzaontzien terminala Metro Bilbaoko Neguriko geltokiarekin eta Bizkaia Zubiaren inguruarekin. Ekitaldiak atseden gune bat eta ostalaritza gune bat ere izango ditu.
Portuko Agintaritza eta Bilboko Portua eta Itsasadarra Fundazioa dira Kai Jai – Portuaren Egunaren hamargarren edizioaren antolatzaileak. Honen helburua egunero Bilboko Portuan egiten den lana eta portua Europa osoan erreferentziazko nodo logistiko izatea egiten duten lanbideak jendeari hurbiltzea da.
