Porturako sarbideaBrittany Ferrisek astean lau ibilbide eskaintzen ditu Erresuma Batuarekin eta Irlandarekin
Sarrera eta Irteera Sistema ezartzeak arindu egingo ditu Europar Batasunekoak ez diren herrialdeetako herritarren mugako kontrolak
Brittany Ferries ontzi-enpresaren eskutik, Bilboko Portuak berriro ekingo dio Erresuma Batuarekiko eta Irlandarekiko ferryen ohiko jarduerari, eta EESera (Sarrera eta Irteera Sistema) egokituko da, Europar Batasunekoak ez diren herrialdeetako herritarrei apirilaren 10etik Aurrera eragingo baitie.
Galizia ontziak, batetik, astearte eta larunbatetan Bilbo Portsmoutheko portu ingelesarekin lotuko du. Santoña itsasontziak, berriz, Rosslare portu irlandarrarekin lotuko du ostegun eta igandeak.
| Bilbao- Portsmouth | |||||
| EGUNA | ONTZIA | JATORRIA | HELMUGA | IRTEERA | IRITSIERA* |
| ASTEARTEA | GALICIA | BILBO | PORTSMOUTH | 13:00 | 20:45 |
| LARUNBATA | GALICIA | BILBO | PORTSMOUTH | 13:00 | 17:30 |
*Iristeko ordua hurrengo egunean da
| Bilbao- Rosslare | |||||
| EGUNA | ONTZIA | JATORRIA | HELMUGA | IRTEERA | IRITSIERA* |
| OSTEGUNA | SANTOÑA | BILBO | ROSSLARE | 18:00 | 20:15 |
| IGANDEA | SANTOÑA | BILBO | ROSSLARE | 11:00 | 14:30 |
*Iristeko ordua hurrengo egunean da
Bi ibilbideek Euskadi eta inguruko eskualdeak ezagutzeko eta esploratzeko aukera ematen diete bidaiariei oporretako turismo-paketeen bidez, autoan bertan murgiltze-esperientzia batez gozatzeko, hala nola ‘Basque Country & La Rioja’ edo ‘Pintxos & Rioja Wine Tour’ berria, Errioxako DOCaren Kontseilu Arautzailearen laguntzarekin. Pakete horiei esker, iaz “The Best of Wine of Tourism” saria jaso zuen konpainiak, Bilbo-Errioxa Ardoaren Hiriburu Handien Mundu Sarearen Enoturismo Zerbitzuen kategorian, Bilboko Merkataritza Ganberak, Arabako eta Errioxako Ganberek, Bilboko Udalak eta DOC-Errioxako Kontseilu Arautzaileak deituta.
Autorik gabe bidaiatzen duen bidaiariarentzat, Portuko Agintaritzak ‘Bilbao and stay’ zerbitzua eskaintzen du. Zerbitzu hori terminalaren arteko garraio-zerbitzua da ferryko bidaiarientzat – Zierbenako kaian dago, eta itsas estazio txiki bat du, turismo-informazioarekin -, Bilboko erdigunearekin, handik Lurraldeko beste edozein lekutara garraio publikoan joan daitezen. 2025ean 3.000 bidaiari inguruk erabili zuten transfer hori.
Iaz, 156.546 lagunek bidaiatu zuten ferryz Bilboko Portutik, 2024an baino %8 gehiagok.
EESra egokitzea (Sarrera eta Irteera Sistema)
Apirilaren 10etik aurrera, portuek EES (Sarrera eta Irteera Sistema) ezarri beharko dute, eta horrek Europar Batasuneko kide ez diren herrialdeetako herritarrei eragingo die. Brittany Ferries, Bilboko Portuko Agintaritzarekin eta Portuan lan egiten duten beste erakunde batzuekin lankidetzan, hilabeteak daramatzate prestatzen trantsizio arina eta eraginkorra bermatzeko eta pasaporteen zigilatzearen ordez bidaiarien sarrerak eta irteerak erregistratzen dituen formatu digitala erabiltzeko sistema berri hori betetzeko, mugako kontrolak arinduz. Autozerbitzu-irtenbideei eta informazioa aldez aurretik emateko aukerari esker ezarriko da, eta agintariei modu eraginkorragoan lan egiteko aukera emango die.
EESa ezartzea erronka operatiboa izan da, eta prozesuak modernizatzeko aukera bat, gero eta digitalizatuagoa dagoen ingurune batera egokitzeko; aldi berean, mugetako kontrolen arintasuna eta segurtasuna hobetzen lagunduko du. Era berean, ferryetan ontziratzeko eta lehorreratzeko operatiboen eraginkortasunari eta puntualtasunari eusteko aukera emango du; izan ere, 1.000 bidaiariraino joan daitezke ibilbide bakoitzean.
