Porturako sarbideaHapag Lloyd konpainiako eta Incargok kontsignatutako Europa gurutzaontziak amaiera eman dio gaur Bilboko Portuko beste denboraldi errekor bati. Aurtengo lehen gurutzaontzia martxoaren 17an iritsi zenetik, Bilboko Portuko Agintaritzak Getxon dituen instalazioetan 95 geldialdi egin dira, iazko jasotako 81 baino hamalau gehiago.
Halaber, portutik pasatu den bidaiari-kopurua ere gainditu egin da, 181.004; 2024ko 137.477en aldean, arlo honetan ere errekorra lortuz. Kopuru hori errekorra da berriro ere. Gurutzaontzietan etorritako turisten nazionalitateari dagokionez, Britainia Handia (78.023), Estatu Batuak (45.113) eta Alemania (20.470) izan dira jatorriko herrialde nagusiak, ohi bezala.
2025ean, geldialdia egin dute 104 eta 343 metro bitarteko luzera duten ontziek. Mystic Cruisesen World Voyager-eko 172 bidaiaritik MSCren MSC Virtuosa-ko 6.334ra bitarteko ahalmenekoak, eta, beste behin ere, mota eta tamaina desberdinetako gurutzaontzitara egokitzeko Bilboko Portuaren instalazioen moldakortasuna erakutsi dute.
Aurten iritsi diren gurutzaontzien artean, nabarmentzekoak dira gaua – overnight – portuan igaro duten hamar gurutzaontziak, bai eta Getxon beren ibilbidea hasi duten hiru gurutzaontziren ontziratze-eragiketak ere: MSCren MSC Poesía, apirilaren 23an; Hapag-Lloydeko (TUI) Europa 2, uztailaren 18an; eta Oceaniako (NHG) MS Vista, irailaren 4an. Ekainaren 16an, hiru gurutzaontzik bat egin zuten Bilboko Portuan: Independence of the Seas (Royal Caribbean Cruises), Scenic Eclipse (Celebrity Cruises) eta Azamara Onward (V Ships / SP Cruises).
Hamaika gurutzaontzi berri
Denboraldi honetan, hamaika gurutzaontzik egin dute lehen aldiz geldialdia Bilbon: Norwegianeko (NHG) Norwegian Breakaway eta Norwegian Sky; Ponanteko Le Lyrial; Seadreameko Seadream II; Carnival Cruise Lineko Carnival Miracle; Regent Seven Seaseko Seven Seas Grandeur; Cunard Lineko Queen Anne; Scenic Cruiseseko Scenic Eclipse; Ritz Carltoneko Ritz Carlton Ilma; Disney Cruiseseko Disney Fantasy; eta Virgin Voyageseko Scarlet Lady.
Urtean zehar, hainbat konpainia ospetsuetako ontziak Bilbora etorri dira, hala nola Aida Cruises, Ambasador Cruise Line, Carnival Cruise Line, Celebrity Cruises, Crystal Cruises, Cunard Line, Disney Cruises, Fred Olsen, Hapag Lloyd (TUI), Holland America Line, MSC, Mystic Cruises, Norwegian (NHG), Oceania (NHG), P&O, Ponant, Princess Cruises Lines, Regent Seven Seas, Ritz Carlton, Royal Caribbean Cruises, Scenic Cruises, Seadream, Silversea Cruises, Swan Hellenic, TUI (RRCC), V Ships / SP Cruises, Virgin Voyages y Windstar Cruises, eta Incargo, Marítima Dávila, MSC, Noatum, Pérez & Cía edo Romeu izan dituzte agente.
Turismorako sarrera-atea
Emaitza horiek bermatzen dute azken urteotan Bilboko Portuko Agintaritzak, erakunde publikoen, turismo-bulegoen eta bidaia-antolatzaileen laguntzarekin, Bilbo, Bizkaia eta Euskadi helmuga erakargarri bihurtzeko egin duen lana, bai ontzi-konpainientzat, bai turistentzat. Era berean, datuek erakusten dute zeinen egokia izan den Portuko Agintaritzak berak Getxon egindako inbertsioa, gurutzaontzien eta bidaiarien behar espezifikoei erantzuteko azpiegitura moderno, seguru eta praktikoak sortzeko.
Horri esker, eta zerbitzu hori ematen duten profesional askok (portuko gidariak, atoiontziak, amarratzaileak, kontsignatarioak, portuko eta merkataritzako eragiketa-taldea, portuko polizia, segurtasun-taldeak…) ematen duten zerbitzuari esker, Getxo turismoaren sarrera-ate nagusietako bat bihurtu da Euskadin, eta nazioarteko erreferentzia sektore horretan.
Jasangarritasunaren aldeko apustua
Etorkizunari begira, ontzi-konpainien artean eta gurutzaontzi-azoka nagusietan Euskadi helmuga gisa sustatzen eta instalazioek eskaintzen dituzten abantailen berri ematen jarraitzeaz gain, Portuko Agintaritzak aurrera jarraitzen du horrelako trafikoetako jasangarritasuna hobetzeko eta bere karbonogabetzean laguntzeko ahaleginean.
Horretarako, BilbOPS proiektuaren barruan gurutzaontzietarako kaiak elektrifikatzeko lanak egiten ari da. Proiektu horren zati bat ‘Europa konektatzen’ mekanismoak (CEF funtsak) finantzatzen du, eta gainerakoa Bilboko Portuko Agintaritzaren funtsek. Era berean, Europako Inbertsio Bankuarekin (EIB) 80 milioiko mailegua sinatu du, eta horren zati bat proiektu hori finantzatzeko erabiliko dute.
2026aren amaieran jarriko dira martxan RORO trafikoetarako, eta 2027an, berriz, ferry, edukiontzi eta gurutzaontzietarako kaietan, 74,9 milioi euroko inbertsioaren ondoren. Hala, Bilbo izango da AFIR ready den Atlantikoko lehen portua. Bilboko Portuko kaien elektrifikazio horrek %100 murriztuko ditu atrakalekuko CO₂ -emisioak, elektrizitate %100 berriztagarria erabiliz – portuko instalazioetan bertan sortuko da horren zati bat -, eta partikula finak (PM2.5 eta PM10), nitrogeno-oxidoak (NOx) eta sufre-oxidoak (SOx) ere murriztuko ditu.
