Porturako sarbideaSanturtziko arrantza-portuko Karmengo Ama Birjinaren omenezko eskulturak 75 urte beteko ditu aurten. Ricardo Iñurria eskultore santurtziarrak sortutako lan hau herriko ikono handienetako bat bihurtu da, eta ehunka herritarrek egunero bisitatzen duten gunea da.
Hori dela eta, Udalak eta Portuko Agintaritzak, Santurtziko ikurrik enblematikoenetako bat dela jakinik eta bere urteurrena dela bide, hainbat lan garatuko dira 1950ean inauguratu zen arte-sorkuntza hori zaharberritzeko.
Lan horien aurkezpenean, Karmele Tubilla Santurtziko alkate izan da, Portuko Agintaritzako zuzendariarekin batera. Alkateak hau adierazi du: “Portuan gailentzen den 1950ean inauguratutako estatua Santurtziko belaunaldi guztien babes-, tradizio- eta debozio-irudi gisa, eta gure lana da hori kontserbatzea. Hori dela eta, gaur gurekin izango da Antonio Aiz, Portuko Agintaritzako zuzendaria. Haiek arduratuko dira esku-hartze hori egiteaz, eta eskerrak ematen dizkiet parte hartzeagatik eta egindako lanagatik, gure Karmengo Ama Birjinaren omenezko monumentua zaharberritu ahal izateko”.
Bestalde, Antonio Aiz Portuko Agintaritzako zuzendariak azaldu duenez, “portuaren ingurunea eta herritarren bizi-kalitatea hobetzeko helburuarekin Santurtziko Udalarekin dugun harreman estuaren emaitza da esku-hartze hau. Ondare artistiko hori emozionala ere bada, eta itsasoari begira dagoen herri baten tradizioarekin estuki lotuta dago, ez bakarrik bere iragana gogoratzeko, baita bere etorkizuna bilatzeko ere”
Artelis Kontserbazioa eta Zaharberritzea izeneko enpresak proposatzen duen esku-hartzea Euskal Kultura Ondareari eta Ondare Historikoari buruzko Legeetan ezarritako irizpideen eta materialen arabera gauzatuko
da, eta zaharberritze egokia eta errespetuzkoa bermatuko da. Lan-metodologia eta tratamenduak antzemandako premien araberakoak izango dira. Lan horietarako 18.000 euro inguru inbertituko dira.
